Агаарын бохирдол сүүлийн 20-иад жилд монголчуудын дунд улиг болтлоо яригдаж буй. Азаар өвлийн сар урт биш тулдаа л өнтэй, угаартаж, хордож нас бараагүйдээ уулга алдах шахам хаврыг угтдаг. Харин 2025 онд агаар бохирдлыг бууруулах гээд ч бардаггүй асуудлынхаа гаргалгааг олохоор иргэдийн санал дээр тулгуурлан нийтийн нээлттэй сонсголыг зохион байгуулахаар болсон. Мөн хяналтын сонсголын хоёр хугацаанд базаж дуусахгүй мэдээллийг гурван удаагийн хэлэлцүүлгээр албаныхан, иргэд, төрийн бус байгууллагынхан, мэргэжилтнүүдтэйгээ солилцсон. Гэвч хэлэлцүүлгүүд дуусаад л маргааш нь тэнгэр цэлмэнэ гэвэл үгүй. Өнгөрсөн хугацаанд зарцуулсан зөвхөн агаарын бохирдол бууруулах ажлуудын мөнгөн дүнг базаж үзвэл тооны машин дээр 12 тэгтэй тоо гарч байгаа юм. Гэхдээ энэ бол зөвхөн утааны сонсголын нээлттэй хэлэлцүүлгээр албаныхны дурдсан статистик. Иргэд утааг бууруулах төсөв санхүүжилтийн мэдээллийг дээрх шиг нээлттэй байдлаар авч байсан нь тун цөөн. Тиймээс утааны асуудлаарх гурав дахь удаагийн буюу “Утааны асуудал: Эрх зүйн орчин, бодлого, шийдвэрийн хэрэгжилт, санхүүжилт, зарцуулалт, хариуцлага” сэдэвт хэлэлцүүлгийн үеэр онцолсон илтгэлүүдэд дурдсан төсвийн задаргааг нөхөн танилцуулж байна. УТААГҮЙ ТҮЛШ БУЮУ САЙЖРУУЛСАН ШАХМАЛ ҮЙЛДВЭРЛЭХЭД 1.4 ИХ НАЯДЫГ ЗАРЦУУЛААД БАЙНА. “Тавантолгой түлш” ХХК Монгол Улсын Засгийн газрын агаар орчны бохирдлыг бууруулах үндэсний хөтөлбөр, түүхий нүүрс хэрэглэхийг хориглох тухай 62 дугаар тогтоол болон Засгийн газрын 2018 оны “Эрдэнэс Тавантолгой” ХК болон “Эрдэнэс Монгол” ХХК-иудад Ухаа худагийн […]

“Агаарын чанарын стандартыг батлахдаа нэмж, өөрчилсөн” Агаарын бохирдолтой холбоотой хууль эрх зүйн орчныг хэрэгжүүлэхэд хангалтгүй байна. Улаанбаатар хотын уурын зуухуудад түүхий нүүрс хэрэглэхгүй байхыг даалгасан ч биелэлт нь хангалтгүй байгааг мэргэжилтнүүд онцлов. Тайланд нь хоршооны малчдад зориулж 32.5 тэрбум төгрөгийг журмын дагуу санхүүжүүлсэн гэж дурдсан байна. Агаарын бохирдлыг бууруулах үндэсний хөтөлбөрийг 2017-2020 онд хэрэгжүүлэх төлөвлөгөөнд тусгасан арга хэмжээний 32.2 хувь нь хэрэгжсэн, 23.1 хувь нь хэрэгжээгүй, 44.7 хувь нь дутуу хэрэгжилттэй, хяналт хангалтгүй, салбар хоорондын уялдаагүй, эзэн хариуцагчгүй байгааг онцолж байна. 2016 оны агаарын чанарын стандартыг батлахдаа хүхэрлэг хий, азотын давхар ислийн зөвшөөрөгдөх хэмжээг 2007 онд мөрдөж байсан стандартаас нэмж, өөрчилсөн байна. Ингэснээр хүхэрлэг хийн агууламж 2016 оны стандартаар 1.8 дахин их, 2020 онд жилийн дундаж агууламж Монголын стандарт болон ДЭМБ-ын зөвлөмжийн хэмжээнээс 2.4 дахин өндөр байна. Нарийн ширхэгт тооцонсорын 2016 оны жилийн дундаж агууламж Монгол Улсын стандартаас 2.6 дахин их, ДЭМБ-ын зөвлөмжөөс 6.3 дахин их байсан бол 2020 онд Монголын стандартаас 1.8 дахин их, ДЭМБ-ын зөвлөмжөөс 4.5 дахин өндөр хэвээр байжээ. Агаарын бохирдолд зарцуулсан төсвийг нэгтгэсэн тоо хэмжээ байгаагүй. Тухайн төсөв захирагчид нь өөрсдийн хэмжээнд танилцуулж байсан. Ямар нэгэн босго тоотой байхгүй бол дүгнэлт хийж, ирээдүйг төлөвлөх боломжгүй байсан гэдгийг шинжээчид онцлов. Бодитой тоотой болгох шаардлага үүсч, аудитаар баталгаажсан, […]

2024 оны эцэст Монгол Улсын жилийн инфляц улсын хэмжээнд 9 хувь, Улаанбаатар хотын хэмжээнд 9.1 хувьтай гарлаа. Жилийн инфляцыг бүрэлдэхүүнээр нь задлан харвал, хүнсний бус бүтээгдэхүүн 4.7 хувийн цэг, хүнсний бүтээгдэхүүний үнийн өсөлт 3.2 хувийн цэгийг тус тус бүрдүүлсэн байна. Мөн 2024 оны урьдчилсан төлбөрийн тэнцэл 622 сая ам.долларын ашигтай гарсан. Монголбанкны мэдээлснээр, өмнөх оны урьдчилсан үзүүлэлтээр гадаад төлбөрийн дансны алдагдал 2,373 сая ам.доллар, санхүүгийн дансны ашиг 3,339 сая ам.доллар байсан байна. Үүнээс гадна, өргөн хүрээний мөнгөний нийлүүлэлт (M2) өнгөрсөн оны 12 дугаар сард 43.3 их наяд төгрөгт хүрч, өмнөх оны мөн үеийнхтэй харьцуулахад 15.2 хувиар өссөн байна. Жилийн өсөлтөд Дотоодын цэвэр актив 16.2 хувийн цэг, Гадаадын цэвэр актив 1.1 хувийн цэгийг бүрдүүлжээ. Банкуудын нийт зээлийн үлдэгдэл 12 дугаар сард жилийн өмнөхтэй харьцуулахад 35.5 хувиар өсөж, 36.8 их наяд төгрөгт хүрсэн байна. Тухайн сарын байдлаар чанаргүй зээлийн хэмжээ 5.1 хувьтай байжээ.