2025 оны 36-р Харбины олон улсын мөсөн баримлын тэмцээн 2025 оны 1-р сарын 2-4-ний өдрүүдэд Хятад улсын Харбин хотын Мөсөн ба Цасны Дэлхийн талбайд зохион байгуулагдав.
Монгол, Хятад, Өмнөд Солонгос, Орос, Испани, Америк, Эквадор, Франц, Энэтхэг, Мексик, Серби, Черногори зэрэг улс орнуудаас 60 гаруй мөсөн барималчид оролцож, ур чадвараа үзүүлсэн юм. Монголын дөрвөн баг гайхалтай ур чадвар гарган өрсөлдсөнөөс хоёр нь нэр хүндтэй шагналуудыг хүртлээ. З. Ганжаргал, Х. Алтанхуун нарын баг алтан медаль хүртэж, Д. Цэрэнбат, Б. Баярсайхан нар мөнгөн медаль хүртэв.
Монголын мөсөн барималчид 2010 оноос хойш Харбины олон улсын мөсөн баримлын тэмцээнд байнга оролцож, хүчтэй өрсөлдөгчид гэж үнэлэгдэж байна.
Мөн 2025 оны 1-р сарын 6-нд 27-р Харбины олон улсын цасны баримлын тэмцээн эхэлсэн бөгөөд Монгол, Хятад, Орос, Казахстан, Өмнөд Солонгос, Энэтхэг, Франц, Эквадор, Индонез, Испани зэрэг улсаас 100 гаруй цасны барималчид оролцож байна.
2025 оны 36-р Харбины олон улсын мөсөн баримлын тэмцээнд бүтээсэн мөсөн барималууд:
