Монголын сагсан бөмбөгийн холбоо зохион байгуулдаг “Лигийн” аварга, 2025-2026 оны улиралд Ази тивийн хамгийн хүчтэй лигүүдийг нэгтгэсэн Дорнод Ази супер лигт өрсөлдөнө.
Дорнод Ази супер лиг (EASL), Олон улсын сагсан бөмбөгийн холбоо (FIBA)-гоор хүлээн зөвшөөрөгдсөн, Япон, Өмнөд Солонгос, Тайвань, Филиппин, Макао, Хонконг зэрэг улсын лигийн аваргуудыг багтаасан лиг юм. 2024-2025 оны улирлын “Лигийн” аварга Монголын баг 2025 оны есдүгээр сард Дорнод Ази супер лигт өрсөлдөх болно.
Дорнод Ази супер лигт бүх баг өрсөлдөгчийнхөө талбай дээр 3 тоглолт, гэртээ 3 тоглолт хийж, нийт 6 тоглолттой хэсгийн шатанд өрсөлддөг. Лигийн шагналын сантай, 2.5 сая ам.доллар бүхий урамшуулалтай бөгөөд улсын шилдэг багуудын аль нэг нь ялсан бүртээ урамшуулал авна. EASL платформ нь Монголын шилдэг багт Ази тивийн хамгийн шилдэг багуудтай өрсөлдөх боломжийг олгодог.
Дорнод Ази супер лигийг 18 улсад шууд дамжуулан үзүүлдэг бөгөөд тоглолт бүрийн дундаж үзэгчийн тоо 8 сая байна. Иймээс улсын аварга багийн EASL-д оролцох нь Монголын сагсан бөмбөгийг олон улсын хэмжээнд сурталчлах, мөн Монголын сагсан бөмбөгийг хөгжүүлэхэд ихээхэн түлхэц үзүүлнэ. EASL-ийн албан ёсны хуваарь 6-р сард зарлагдах бөгөөд нээлтийн тоглолтууд 2025 оны есдүгээр сард эхлэх болно.
