Монгол Улсын мөсөнд авиралтын шигшээ баг ОХУ-ын Киров хотод ирэх гуравдугаар сарын 2,4-нд болох Дэлхийн цомын тавдугаар цуврал тэмцээнд оролцохоор ОХУ-ын зүг хүлгийн жолоо заллаа.
Үүнд манай улсаас Н.Хэрлэн, О.Сайханжаргал, Д.Энхбаатар, Д.Отгонхүү нар өрсөлдөнө.
Дээрх тамирчдаас спортын мастер Н.Хэрлэн, Д.Энхбаатар нар нь цагаан сарын өмнөхөн болсон дэлхийн цом, ази тивийн аварга шалгаруулах тэмцээнээс мөнгө, хүрэл медаль авч ирж, 60 жилийн түүхэнд нэгэн шинэ хуудсыг нээсэн билээ.
Сонирхуулахад спорт авиралтын төрлүүдээс мөсөнд авиралт нь Монголчууд амжилт гаргах хамгийн боломжтой төрөл аж.
Харин уг төрлийг одоо болж буй “Пёнчан-2018” өвлийн олимпийн наадамд үзүүлэх төрлөөр толилуулж, 2022 оны Бээжингийн олимпид үндсэн төрөл болгохоор зорин ажиллаж байгаа аж.
