Холын зай: Off
Холын зай:
km Set radius for geolocation
Хайх

НОСК-аас Яармагт 960 айлын ОРОН СУУЦ барина гэв

НОСК-аас Яармагт 960 айлын ОРОН СУУЦ барина гэв

“Улаанбаатар хөрөнгө оруулалт 2018” бизнес уулзалт Төрийн ордонд үргэлжилж байна. Бизнес уулзалтын үеэр ирэх жилүүдэд Улаанбаатар хотод хийгдэх томоохон төсөл хөтөлбөрүүдийг танилцуулах зорилгоор нийслэлийн Засаг даргын хэрэгжүүлэгч агентлаг, харьяа байгууллагуудын хамтарсан үзэсгэлэнг гаргалаа.

Үзэсгэлэнд нийслэлийн Хот төлөвлөлт, ерөнхий төлөвлөгөөний газар, нийслэлийн Гэр хорооллын дэд бүтцийн газар, нийслэлийн Боловсролын газар, нийслэлийн Хөрөнгө оруулалтын газар, НОСК, Улаанбаатар хотын худалдааны танхим, нийслэлийн Авто замын хөгжлийн газар, Үндэсний цэцэрлэгт хүрээлэн ОНӨТҮГ зэрэг байгууллагаас бизнес уулзалтад хүрэлцэн ирсэн зочид, төлөөлөгчид, аж ахуйн нэгжүүдэд зориулан үзэсгэлэн гаргаж, энэ онд хэрэгжүүлэх томоохон төсөл хөтөлбөрүүдээ танилцуулав. Түүнчлэн агаарын бохирдлын эсрэг үйл ажиллагаа явуулдаг компаниуд өөрсдийн бараа, бүтээгдэхүүнээ танилцуулахаар ирсэн байв.

Тухайлбал, НОСК-аас Яармагийн спорт цогцолбор орчмын шинэ суурьшлын бүсийг хөгжүүлэх төслөөр нийт 960 айлын орон сууц барихаар төлөвлөснөө танилцууллаа. Мөн Сонгинохайрхан дүүргийн 6 дугаар хорооны нутаг дэвсгэрт 5 га талбайд түрээсийн орон сууцны барилга барихаар зураг төслийг гаргуулаад байгаа аж. Нийслэлийн Авто замын хөгжлийн газар Улаанбаатар хотын авто замын сүлжээнд 2018 онд гадаадын хөнгөлөлттэй зээл, нийслэлийн авто замын сан, улсын төсөв, орон нутгийн хөгжлийн сан гэсэн таван хөрөнгийн эх үүсвэрээр төсөл, арга хэмжээнүүдийг хэрэгжүүлэхээр төлөвлөжээ.

Хариулт үлдээх

Таны и-мэйл хаягийг нийтлэхгүй. Шаардлагатай талбаруудыг -р тэмдэглэсэн