Ой тогтоолтын спортын өсвөрийн дэлхийн аварга, Дэлхийн 10 дээд амжилтыг эзэмшигч Э.Лхагвадулам (17 настай)
ОХУ-ын “Россия-1” сувгийн “Гайхамшигт хүмүүс” шоу нэвтрүүлэгт уригдсан билээ.
Тэгвэл дэлхийн аварга Э.Лхагвадулам өнгөрсөн бямба гарагт тус нэвтрүүлгийн зураг авалтад оролцож, нэвтрүүлгийн багийнхнаас өгсөн даалгаврыг амжилттай биелүүлж, зочид болон үзэгчдийг гайхшруулсан байна.
Эргэн сануулахад, “Гайхамшигт хүмүүс” шоунд өнгөрсөн жил Монголын оюун ухааны академийн ихэр тамирчин болох дэлхийн аварга эгч, дүү Н.Мөнхшүр, Н.Энхшүр нар оролцсон. Тэд 1200 сарнайг таван минутад тогтоож, дээрх нэвтрүүлгийн зочид болон үзэгчдийг гайхшруулсан билээ. Харин дэлхийн аварга Э.Лхагвадулам, Х.Ивээл нарын оролцсон дугаар ирэх сард үзэгчдэд хүрнэ.
