2018 оныг “Өрхийн хөгжлийг дэмжих жил” болгох саналаа Хэнтий аймгийн Засаг даргын орлогч Г.Хэрлэнчулуун Засаг даргын Зөвлөлийн хоёрдугаар хуралдаанд танилцууллаа.
Ингэснээр байгууллага бүр “Өрх гэр-Эрүүл мэнд”, “Өрх гэр-Ажлын байр” гэх мэт өрх гэр рүү чиглэсэн томоохон ажлуудыг бүтэн жилийн турш санаачлан хэрэгжүүлж ажиллах юм байна.
Уг асуудлыг Засаг даргын зөвлөлийн гишүүд 100 хувийн саналаар дэмжжээ. Хэнтий аймгийн Засаг даргын орлогчоор ахлуулсан ажлын хэсэг байгуулж, төлөвлөгөөг нарийвчлан гаргаж, ажил хэрэг болгохоор шийдвэрлэлээ.
