Хавдартай тэмцэх дэлхийн өдрийн хүрээнд ХСҮТ-ийн хурлын танхимд ирэх хоёрдугаар сарын 1-нд нэгэн арга хэмжээ болох гэж байна.
ХСҮТ, “ХААН” банк сантай хамтран зохион байгуулах уг арга хэмжээний зорилго нь хорт хавдраас урьдчилан сэргийлэх, эрт илрүүлэх, тусламж үйлилгээнд тулгамдаж буй асуудалд олон нийтийн анхаарлыг хандуулах, үнэн, бодитой мэдээллийг хүргэх, түгээхэд оршиж буй.
Энэ хүрээнд хэвлэлийн бага хурал -“Хавдрын эсрэг аян-2017”, “Хавдрын эсрэг аян -7 жил” баримтат кино, сэтгүүлчдэд зориулсан сургалт, хамтран ажилладаг ХМБ-ын сэтгүүлчдийг урьдчилан сэргийлэх үзлэгт хамруулах, “UBS” телевизийн “Кофе юу? цай юу?” нэвтрүүлэгт оролцоно.
Оролцогчидоор ХСҮТ-ийн ерөнхий захирал Ж.Чинбүрэн, “ХААН” банк сангийн гүйцэтгэх захирал Ц.Оюунцэцэг, МҮОНТ-ийн захирал Л.Нинжжамц, ХСҮТ-ийн бодлого, хөгжил, төлөвлөлт эрхэлсэн дэд захирал Л.Баярсайхан, ХСҮТ-ийн эмнэлэгийн тусламж үйлчилгээ эрхэлсэн дэд захирал С.Хүрэлсүх нар уригджээ.
